काठमाडौ। त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुर निलम्बनमा परेका छन् । संस्कृति, पर्यटन तथा नागरिक उड्ययन मन्त्रालयले गैरकानुनी लाभ लिने उद्देश्यले थाइ स्माइल एयरलाइन्सका प्रतिनिधिसँग ठाकुरले कुराकानी गरेको पाइएपछि उनी निलम्बनम परेका हुन् ।
उनी निलम्बनमा परेपछि थप अनुसन्धानका लागि मन्त्रालयले अख्तियार दुरुपयोग अनुसन्धान आयोगलाई अनुरोध समेत गरेको छ ।
‘नेपाल नागरिक उड्डयन प्राधिकरण, त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुरले थाइ स्माइल एयरलाइन्सका प्रतिनिधिसँग गैरकानुनी लाभ लिने उद्देश्यले गरेको कुराकानीको श्रव्य सामग्री प्राप्त भएपछि उक्त विषयमा जाँचबुझ गर्ने सिलसिलामा उनलाई पदबाट निलम्बन गरिएको हो । पदबाट निलम्बन गर्न माननीय मन्त्री स्तरीय निर्णयअनुसार नेपाल नागरिक उड्डयन प्राधिकरणका महानिर्देशकलाई लेखी पठाइएको मन्त्रालयको विज्ञप्तिमा उल्लेख गरिएको छ ।
प्रवक्ता राजेन्द्र कुमार केसीले दिएको जानकारी अनुसार उक्त विषयमा थप अनुसन्धान गर्न अख्तियारलाई आयोगलाई अनुरोध गरी पठाइने निर्णय समेत गरेको छ ।
