काठमाडौं । नेपाली कांग्रेसबाट चुनाव जितेका स्थानीय तहका जनप्रतिनिधिका लागि शेखर कोइराला समूहले छुट्टै बधाई कार्यक्रम राखेको छ ।
काठमाडौंको बत्तिसपुतलीस्थित अनुपम फुडल्याण्डमा बधाई, शुभकामना तथा चियापान कार्यक्रम आयोजना गरिएको हो । उक्त कार्यक्रममा संस्थापनइतर पक्षका निर्वाचित पालिका प्रमुख-उपप्रमुख, जिसस प्रमुख-उपप्रमुख सहभागी छन् ।
कार्यक्रममा नेताले स्थानीय तहमा जनप्रतिनिधिका काम कारबाही, पार्टीमा आफूहरूको दरिलो उपस्थिति साथै आसन्न मंसिर ४ को निर्वाचन रणनीतिबारे जानकारी गराउने बताइएको छ ।
यसअघि सोमबार र मंगलबार कांग्रेसले जनप्रतिनिधिका लागि प्रशिक्षण कार्यक्रम राखेको थियो ।
