चितवन।चितवनमा बाघको आक्रमणबाट एक जना घाइते भएका छन्।
शुक्रबार बिहान ६ बजेको समयमा पूर्वीचितवनको राप्ती नगरपालिका-१ डिपार्टस्थित गाउँबस्ती नजिकै खेतमा तरकारी टिप्न गएका स्थानीय ४३ वर्षीय इन्द्रबहादुर थिङलाई बाघले आक्रमण गरि घाइते बनाएको हो। थिङको अनुहार र घाटीमा चोट लागेको प्रहरीले जनाएको छ।
उनलाई उपचारका लागि भरतपुर ल्याइएको छ। सोही बाघले आक्रमण गरी स्थानीय सुकबहादुर थिङको एउटा भैंसी र सुकराम तामाङको दुईवटा वटा बंगुर मारेको प्रहरीले जनाएको छ। जितबहादुर थिङको एक गाईसमेत बाघले घाइते बनाएको छ।
