काठमाडाैँ । गाेकर्णेश्वर नगरपालिकामा सत्तारुढ गठबन्धनसम्बद्ध दलहरू माओवादी केन्द्र र एकीकृत समाजवादीबीच चुनावी तालमेल हुने भएकाे छ । नेपाली कांग्रेससँग सहमति हुन नसकेपछि माओवादी केन्द्र र एकीकृत समाजवादीबीच मात्रै चुनावी तालमेल भएकाे हाे ।
दुई पार्टीबीच बनेकाे सहमतिअनुसार मेयरमा एकीकृत समाजवादीका गोपाल बराल र उपमेयरमा माओवादी केन्द्रकी पेमाछिरी शेर्पा उम्मेदवार बन्नेछन् ।
यसैगरी नगरभित्रका वडाहरूमा पनि सहमति भएको एकीकृत समाजवादीका वडा नं. ४ का अध्यक्ष विजयकुमार श्रेष्ठले जानकारी दिए । नगरपालिकामा भएको ९ वटा वडाहरूमध्ये माओवादी केन्द्रलाई १,२,३,५,७ र ९ गरी ६ वटा र बाँकी ४,६ र ८ एकीकृत समाजवादीले लिने भएकाे छ ।
मेयर बराल, उपमेयर शेर्पासँगै वडाका प्रत्याशीहरूले साेमबार उम्मेदवारी दिने छन् ।
