काठमाडौं । लोकतान्त्रिक समाजवादी पार्टी एमसीसीका पक्षमा उभिएको छ ।
अध्यक्ष महन्थ ठाकुरले एमसिसीका बारेमा सिर्जना गरिएको विवाद निरर्थक रहेको बताएका हुन् ।
जनकपुरमा सञ्चारकर्मीसँग कुराकानी गर्दै ठाकुरले एमसिसी परियोजना विशुद्ध रूपमा विकाससँग जोडिएको भएको कारणले विवाद गर्नुको कुनै तुक नरहेको बताएका हुन् ।
सडक निर्माण र विद्युतिकरणमा रकम खर्च गरिने र गरिबी घटाउनको लागि एमसीसी महत्वपूर्ण रहेको बताए । अध्यक्ष ठाकुरले एमसिसीको विषयमा सस्तो लोकप्रियता हासिल गर्न विवाद सृजना गर्नु उचित नहुने समेत बताए ।
