काठमाडौँ । संसद सचिवालयले नेकपा एमाले र जनता समाजवादीका सांसदहरुको अद्यावधिक सूची निर्वाचन आयोगलाई पठाएको छ ।
एमालेबाट विद्रोह गरेर नयाँ दल दर्ता गर्न वरिष्ठ नेता माधवकुमार नेपालले निर्वाचन आयोगमा निवेदन पेश गरेपछि आयोगले संसद सचिवालयसँग विवरण मागेको थियो । आयोगले जसपाका सांसदहरुको संख्या समेत सचिवालयसँग मागेको थियो ।
बुधबार आयोगले एमाले र जसपा विभाजन गरेर नयाँ दल गठन गर्न निवेदन दिएका नेताहरुको सनाखत गर्दैछ । त्यसकै लागि आयोगले अहिले कयम रहेको सांसदहरुको सूची पठाइदिन सचिवालयलाई भनेका थियो । त्यसैअनुसार संसद् सचिवालयले एमालेका १५४ र जनता समाजवादी पार्टीका ३७ सांसद रहेको जानकारी निर्वाचन आयोगलाई गराएको हो ।
एमालेका वरिष्ठ नेता माधवकुमार नेपालले नेकपा (एकीकृत समाजवादी) र जसपाका तर्फबाट महन्थ ठाकुर पक्षले लोकतान्त्रिक समाजवादी पार्टी, नेपाल गठनका लागि गत बुधबार निर्वाचन आयोगमा आयोगमा निवेदन दिएका थिए ।
