काठमाडौं । मधेसकेन्द्रित ८ दलहरू संविधान र राजनीतिक दलसम्बन्धी ऐन संशोधनमा छलफल गर्न फेरि एकजुट भएका छन्।
आगामी बिहीबारसम्म प्रत्येक दलबाट एक सदस्य रहने गरी कार्यदल गठन गर्ने र कार्यदलले एजेण्डा तय गर्ने निर्णय भएको छ।
राष्ट्रिय मुक्ति पार्टीका नेता केशव झाले कार्यदलको गठनको जानकारी दिए ।
सोमबार काठमाडौंमा भएको बैठकमा ८ दलका प्रतिनिधिहरूले एजेण्डाबारे छलफल गरेका थिए।
बैठकमा जनता समाजवादी पार्टी, जसपा नेपाल, जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी, राष्ट्रिय मुक्ति पार्टी, जनता प्रगतिशिल पार्टी र तराई मधेस लोकतान्त्रिक पार्टीका नेताहरू सहभागी थिए।
