काठमाडौँ । आइसीसी क्रिकेट विश्वकप डिभिजन लिग- २ अन्तर्गत आज नेपाल र युएईबीच खेल हुदैछ । त्रिवि क्रिकेट मैदानमा हुने यो खेल बिहान साँढे ९ बजदेखि शुरु हुदैछ ।
जारी सिरिजमा नेपालले पहिलो खेलमा युएईलाई पराजित गरेको थ्यियो भने दोस्रो खेलमा ओमानसँग हार बेहोरेको छ । त्यस्तै पहिलो खेलमा नेपालसँग हार बेहोरेको युएईले दोस्रो खेलमा ओमानमाथि जित हासिल गरेको थियो ।
त्यस्तै लिग- २ मा हालसम्म नेपालको २२ खेलमा १४ अंक रहेको छ र सातौं स्थानमा रहेको छ भने युएईको २२ खेलमा १२ अंक रहेको छ र अन्तिम स्थानमा रहेको छ ।
नेपाल र युएई एकदिवसीय क्रिकेटमा अहिलेसम्म १५ पटक आमने सामने भएका छन् । जसमा नेपालले ९ पटक जित हासिल गरेको छ भने युएईले ६ पटक जितेको छ ।
यो सिरिज खेल्ने नेपाली टिममा रोहित पौडेल (कप्तान), दीपेन्द्र सिंह ऐरी (उप-कप्तान), कुशल भुर्तेल, आसिफ सेख, भीम सार्की, आरिफ सेख, बसिर अहमद, गुलशन झा, सोमपाल कामी, सन्दीप लामिछाने, ललित राजवंशी, विनोद भण्डारी, नन्दन यादव, अर्जुन कुमाल र कारण केसी रहेका छन् ।
मे ५ सम्म हुने यस सिरिजमा तिनै देशले एक अर्काविरुद्ध २-२ खेल खेल्ने तालिका रहेको छ । जस अनुसार अब मे ३ मा ओमान र युएई तथा मे ५ मा नेपाल र ओमान खेल्ने तालिका रहेको छ ।
