काठमाडौँ । सम्पत्ति शुद्धीकरण अनुसन्धान विभागले बागमती प्रदेशका मुख्यमन्त्री ईन्द्रबहादुर बानियाँको घरमा छापा मारेको छ । विभागको टोलीले सोमबार काठमाडौँको नक्सालमा रहेको कार्यालय, सुन्धारास्थित कार्यालय तथा हेटौंडास्थित घर र कार्यालयमा छापा मारेको हो ।
अवैध सम्पत्ति लुकाएको आशंकामा विभागले छापा मारेको हो । टोलीले छापा मारेर घरमा रहेका केही कागजपत्र लिएर गएको छ । बानियाँ निर्माण व्यवसायी कम्पनीमासमेत आबद्ध छन् ।
