काठमाडौं । एसीसी प्रिमियर कपअन्तर्गत मंगलबार भएको खेलमा मलेसियाले नेपाललाई २३६ रनको लक्ष्य दिएको छ ।
कीर्तिपुर मैदानमा टस जितेर पहिले ब्याटिङ गरेको मलेसियाले निर्धारित ५० ओभरमा नौ विकेटको क्षतिमा २३५ रन जोडेको हो ।
मलेसियाका लागि कप्तान अहमद फैजले सर्वाधिक ७६ रन बनाए । उनलाई नेपालका बलर सन्दीप लामिछानेले आउट गरे । मलेसियाका विरेनद्वीप सिंहले ४६ रनको योगदान गरे ।
नेपालका लागि सोमपाल कामी र सन्दीप लामिछानेले समान तीन, ललित राजवंशीले दुई तथा गुल्सन झाले एक विकेट लिए । नेपालले आज मलेसियासँग बलिङमा मध्यम खेल खेल्यो ।
