काठमाडौं । एमाले विभाजन गरेर नेकपा समाजवादी गठन गर्ने निर्णयका बारेमा सर्वोच्च अदालतले चैत २० गते अन्तिम सुनुवाई गर्ने भएको छ ।
एमाले अध्यक्ष केपी शर्मा ओलीले दिएका एमाले विभाजन सम्बन्धी तीनवटा रिटमाथि सुनुवाई गर्दै न्यायाधीशद्वय ईश्वर खतिवडा र कुमार चुँडालको इजलासले चैत २० गते अन्तिम सुनुवाई गर्ने आदेश दिएको हो ।
एमालेले माधव नेपालसहित १४ सांसदलाई कारबाहीको सूचना सभामुखलाई दिएपनि सभामुखले सूचना प्रकाशन नगरेको आरोप लगाउँदै आएको छ । त्यसकै विरोधमा निरन्तर संसद बैठकसमेत एमालेले अवरुद्ध गर्दै आएको छ ।
