काठमाडौं । नेपालमा मंगलबार कोरोना संक्रमणबाट मृत्यु हुनेको संख्या एक हजार नाघेको छ । स्वास्थ्य तथा जनसंख्या मन्त्रालयका अनुसार बितेको २४ घण्टामा २० जनाको मृत्यु भएसँगै कोरोनाबाट ज्यान गुमाउनेको संख्या १ हजार ४ जना पुगेको छ ।
पछिल्लो २४ घण्टामा देशभरका प्रयोगशालामा १११६६ जनाको पीसीआर परीक्षण गर्दा ३११४ जनामा कोरोना भाइरस संक्रमण पुष्टि भएको हो । उपत्यकामा मात्रै १४६८ जना संक्रमित भएका छन् ।
मन्त्रालयका अनुसार पछिल्लो २४ घण्टामा ३१४२ जना डिस्चार्ज भएका छन् । अहिलेसम्म डिस्चार्ज हुनेको संख्या १४११३४ रहेको छ । नेपालमा निको हुनेको दर ७८।६ प्रतिशत रहेको छ ।
