काठमाडौं। गुणस्तरमा शंका भएको भन्दै औषधि व्यवस्था विभागले दुई वटा औषधिको बिक्री वितरणमा रोक लगाएको छ । विभागमा दर्ता भएका ब्याच नम्बर ११८७३६० रहेको मेट्रिस(मेट्रोनिडाजोल) र ब्याच नम्बर १एच ८२९३६ रहेको कम्पाउन्ड सोडियम ल्याकटेट इन्जेक्सन विक्रि वितरण नगर्न सूचना जारी गरेको छ । बिक्रीमा रोक लगाइएका दुवै औषधि भारतीय कम्पनीका हुन् ।
ति भारतीय कम्पनीका औसधिहरुको गुणस्तरमा शंका लागि अनुसन्धान, जाँचबुझ तथा परिक्षण भैरहेकाले अर्को सूचना प्रकाशन नभएसम्म विक्रिवितरण तथा प्रयोग नगर्न विभगले जानकारी गराएको छ ।
भारतीय कम्पनीका ती दुई औषधिका कारण तीन जना शल्यक्रिया गरिएका महिलाको मिर्गौला फेल भएको छ । जोरपाटीको अत्तरखेलस्थित नेपाल मेडिकल कलेजमा शल्यक्रिया गर्दाप्रयोग गरिएका औषधिका कारण संक्रमण भएको पुष्टि भएपछि औषधि व्यवस्था विभागले हालका लागि गुणस्तरमा शंका लागेका औषधिको बिक्रीवितरणमा रोक लगाएको जनाएको छ ।
