काठमाडौँ । संसदको उद्योग समितिमा सांसदहरुबीच चर्का चर्की भएको छ ।
रास्वपाका सांसद गणेश पराजुलीले समितिको बैठकमा भिजिट भिसा प्रकरण उठाएपछि कांग्रेसका सांसदहरुले आपत्ति जनाएका थिए ।
पराजुलीले भिजिट भिसा प्रकरण उठाएको बताएपछि एकीकृत समाजवादीका सांसद किसान श्रेष्ठ यो विषय रास्वपाले मात्र नउठाएको भन्दै आक्रोशित बनेका थिए । श्रेष्ठले आफ्नो पार्टीको सभापति माथि पनि भ्रष्टाचारको मुद्धा दायर गरिएको तर भिजिट भिसा प्रकरण हामीले पनि उठाएको बताएका थिए । उनले रास्वपाले मात्र संसदमा बिरोध नगरेको भन्दै मिडियाको अगाडी धेरै नबोल्न चेतावनी दिएका थिए ।
पराजुलीले सांसदहरुलाई निरिह भनेको भन्दै अन्य सांसदहरुले आपत्ति जनाएका थिए ।
बैठकमा समितिमा सभापति अब्दुल खानले समितिको बैठकमा निर्धारित विषयमा मात्र बोल्न सांसदहरुलाई आग्रह गरेका थिए ।
