काठमाडौं । ४१ स्थानमा रिक्त जनप्रतिनिधिको चयन गर्ने उपनिर्वाचनको मतदान जारी छ । निर्वाचन आयोगका अनुसार दिउँसो २ बजेसम्म ५० प्रतिशत मतदान भएको छ ।
हालसम्म मतदान शान्तिपूर्ण रहेको र कतिपय स्थनमा मतदान सकिएलगत्तै मतगणना सुरु गर्ने तयारी रहेको निर्वाचन आयोगले जनाएको छ ।
नेटवर्कले काम नगरेकोले कतिपय ठाउँबाट मतदानको स्थिति आउन नसकेको आयोगले जानकारी दिएकाे छ ।
साँझ ५ बजेसम्म मतदान हुनेछ । मतदान सकिएलगत्तै वडाहरूको मतगणना सुरु गर्ने तयारी छ ।तीन जना उम्मेदवार निर्बिरोध निर्वाचित भइसकेका छन् ।
