काठमाडौँ । साउदी प्रो लिग अन्तर्गत अल नासरले अल फेइहालाई पराजित गरेको छ । शनिबार राति सम्पन्न खेलमा अल नासरले अल फेइहालाई ३-१ गोल अन्तरले पराजित गरेको हो ।
अल नासरको जितमा टालिस्काले २ गोल गरेका थिए भने एक गोल ओटाभियोले गरेका थिए । त्यसैगरी अल फेइहाका लागि एक गोल हुसैन अल शुवाइशले गरेका थिए ।
यो अल नासरको यस सिजनमा आठौँ जित हो । ११ खेलमा २५ अंक हासिल गरेको अल नासर लिगको दोस्रो स्थानमा उक्लिएको छ । शिर्ष स्थानमा रहेको अल हिलालको ११ खेलमा २९ अंक रहेको छ ।
त्यसैगरी अल फेइहाको भने ११ खेलमा १४ अंक रहेको छ र लिगमा आठौँ स्थानमा रहेको छ ।
