काठमाडौं।संविधान सभा अध्यक्ष तथा नेकपा एमालेका उपाध्यक्ष सुवास नेम्वाङको अन्त्येष्टि बिहीबार बिहान ११ बजे गरिने भएको छ ।
हृदयघातबाट मंगलबार बिहान निधन भएका नेम्वाङको राजकीय सम्मानका साथ अन्त्येष्टि गर्न लागिएको हो ।
सोही दिन सरकारले सार्वजनिक बिदा दिने निर्णयसमेत गरिसकेको छ ।
अन्तिम श्रद्धाञ्जलीका लागि उनको पार्थिव शरीर नेकपा एमालेको केन्द्रीय कार्यालय च्यासलमा राखिएको छ ।
उनीप्रति पूर्वराष्ट्रपति, प्रधानमन्त्री तथा नेताकार्यकर्ताले श्रद्धाञ्जली अर्पण गरेका छन् ।
