काठमाडौँ । फ्रेन्च लिग वान अन्तर्गत पिएसजी टोउलोउससँग बराबरीमा रोकिएको छ ।
गएराती सम्पन्न खेलमा पिएसजी र टोउलोउस १-१ गोलको बराबरीमा रोकिएका हुन् ।
पिएसजीका लागि किलीयन एम्बाप्पेले पेनाल्टी मार्फत खेलको ६२औं मिनेटमा गोल गरेका थिए भने टोउलोउसका लागि खेलको ८७औ मिनेटमा पेनाल्टीमार्फत जाकारिया अबोउखलालले गोल गर्दै खेल बराबरी गरेका थिए ।
योसँगै पिएसजीले यस सिजनका शुरुका दुई खेलमा बराबरी खेलेर नयाँ सिजनको औसत शुरुवात गरेको छ । यो खेलपछि पिएसजीको २ खेलमा २ अंक रहेको छ र लिगमा आठौँ स्थानमा रहेको छ ।
त्यस्तै टोउलोउसको भने २ खेलमा ४ अंक भएको छ र लिगमा तेस्रो स्थानमा छ ।
