काठमाडौँ । इन्टर मियामीले क्रुज अजुलविरूद्धको खेलमा लियोनेल मेसीलाई बेन्चमा राखेको छ ।
यस खेलमा शुरुमै डेभ्यु गर्ने अनुमान गरिएको भए पनि इन्टर मियामीले मेसीलाई सब्सटिच्युटमा राखेको हो ।
पिएसजी छोडेर इन्टर मियामी गएका मेसीले सम्भवत यस खेलमा सब्सटिच्युटको रुपमा डेभ्यु गर्ने छन् ।
इन्टर मियामीले लिग कप अन्तर्गतको पहिलो खेल अहिले मेक्सिकन क्लब क्रुज अजुलविरुद्ध खेल्दै छ । यस खेलमा इन्टर मियामीले मेसीसँग सँगै इन्टर मियामी आएका बार्सिलोनाका पूर्व खेलाडी सर्जियो बुस्क्वेटलाई पनि बेन्चमा राखेको छ ।
