काठमाडौँ । युभेन्टस युइएफए युरोपा लिगको सेमिफाइनलमा पुगेको छ ।
गएराती सम्पन्न क्वाटरफाइनलको दोस्रो लिगमा स्पोर्टिंग सिपीसँग १-१ गोलको बराबरी खेल्दै समग्रमा २-१ गोल अन्तरको नतिजासहित युभेन्टस सेमिफाइनलमा पुगेको हो ।
युभेन्टसका लागि एड्रीयन रबिओटले गोल गरेका थिए भने स्पोर्टिंगका लागि मार्कस एडवार्डसले एक गोल गरेका थिए ।
यसअघि सम्पन्न क्वाटरफाइनलको पहिलो लिगमा युभेन्टस १-० गोल अन्तरले विजयी भएको थियो ।
अब सेमिफाइनलमा युभेन्टसले सेभियाको सामना गर्ने छ ।
