काठमाडौं । सरकारले १६ जना सहसचिवको सरुवा गरेको एक दिनपछि ३५ जनाभन्दा बढी सहसचिव सरुवा गर्दैछ । सङ्घीय मामिला तथा सामान्य प्रशासन मन्त्रालयले आज मङ्गलवार सरुवा निर्णय गर्न लागेको हो ।
एक महिनाभन्दा बढीको तयारीपछि हिजै मात्र सचिव सरुवा सार्वजनिक भएको थियो । सचिव सरुवा भएसँगै सहसचिवको सरुवा हुने चर्चा चलेको थियो ।
सचिव र सहसचिवको सरुवालाई धेरैले चुनावी तालमेलसँग जोडेर हेर्न थालेका छन् । ओली सरकारले मालदार ठाउँमा आफू अनुकूलको सचिव र सहसचिव फिट गर्ने तयारी गरेको बताइएको छ ।
