काठमाडौँ । आइसीसी विश्वकप लिग-२ अन्तर्गत नेपालले पीएनजीविरुद्ध टस हारेर पहिला ब्याटिंग गरिरहेको छ ।
टस हारेर पहिला ब्याटिंग गरिरहेको नेपालका लागि ओपनर आसिफ सेखले शतक पुरा गरेका छन् ।
आसिफले १०१ बलमा १० चौका र २ छक्का प्रहार गर्दै आफ्नो शतक पुरा गरेका हुन् । ३२ एकदिवसीय खेल खेलिरहेका आशिफको यो पहिलो शतक हो ।
उनी नेपालबाट एकदिवसीय अन्तर्राष्ट्रिय क्रिकेटमा शतक बनाउने पाँचौ खेलाडी बनेका छन् ।
यसअघि नेपालका लागि पारस खड्का, कुशल भुर्तेल, दिपेन्द्र सिंह ऐरी र रोहित पौडेलले एकदिवसीय शतक पुरा गरेका छन् ।
यो समाचार तयार गरुन्जेल नेपालले ३५ ओभरमा ३ विकेट गुमाई १८६ रन बनाएको छ ।
