काठमाडौँ। नेपाली काङ्ग्रेसको १४औँ महाधिवेशनबाट महामन्त्रीमा निर्वाचित गगनकुमार थापाको समर्थनमा पार्टीको केन्द्रीय कार्यालय सानेपामा नारा घन्किएको छ । बुधबार महामन्त्रीमा निर्वाचित भएर थापा बाहिरिँदै गर्दा काङ्ग्रेस नेता–कार्यकर्ताले उनको समर्थनमा नाराबाजी गरेका थिए ।
उनीहरूले ‘गगन थापा, हाई–हाई’, ‘नेपाली काङ्ग्रेस महामन्त्री अब देशको प्रधानमन्त्री’ लगायतका नारा लगाएका थिए । थापा १४औँ महाधिवेशनबाट सर्वाधिक धेरै मत पाएर महामन्त्री पदमा निर्वाचित भएका हुन् ।
