काठमाडौं । हाल अस्ट्रेलियाको तास्मानिया बसोबास गर्दै आइरहेका लोकप्रिय संगीतकार टिका दहालको संगीतमा रहेको बिल्कुलै नयाँ म्युजिक भिडियो ‘नौडाँडा पारी २’ सार्वजनिक भएको छ । ५ वर्ष अघि दहालकै संगीतमा गायक आगा लामाको स्वरमा ‘नौडाँडा पारी १’ सार्वजनिक भएको थियो ।
‘नौडाँडा पारी २’मा चर्चित साङ्गीतिक ब्यान्ड मंगोलियन हार्टका गायक राजु लामाको सुमधुर स्वर सुन्न सकिन्छ । टाढा रहेका २ प्रेमीहरुको सम्झना र कल्पनालाई समेटिएको यस यस गीतलाई चर्चित गीतकार रमेश दहालले लेखेका हुन् । गीतमा राहुल प्रधानको संगीत संयोजन रहेको छ । म्युजिक भिडियोमा अभिनेत्री मल्लिका महत र अनुज गुरुङको अभिनय रहेको छ ।
भिडियोमा मोडल गुरुङ सैनिकको भूमिकामा देखिएका छन् । चित्लाङ वरपरका रमणीय दृश्य समेटिएको यस गीतको भिडियोलाई बुद्ध थापाले छायाँकन गरेका हुन् । भिडियोमा बिकाश धमलाको सम्पादन रहेको छ । निकेश खड्काको निर्देशनमा भिडियो तयार पारिएको हो । भिडियो ‘टिका दहाल म्युजिक’ नामक युट्युव च्यानल मार्फत सार्वजनिक भएको हो । भिडियो दर्शक स्रोतालाई मनपर्ने कुरामा निर्माण टिम आशावादी रहेको छ ।
भिडियो लिंक: https://youtu.be/oy8ZOEP9zyo
