काठमाडौं । अनुभवी व्यवस्थापक डिम प्रसाद पौडेल कृषि विकास बैंकको सञ्चालक समितिको अध्यक्षमा चयन भएका छन् ।
अर्थ मन्त्रालयबाट सञ्चालकको जिम्मेवारी पाएको केही घण्टामै बुधबार बिहान बसेको समितिको बैठकले उनलाई सर्वसम्मत रूपमा अध्यक्षको भूमिकामा चयन गरेको हो ।
पदबहालीसँगै पौडेलले नेपाल राष्ट्र बैंकका गभर्नर डा. विश्वनाथ पौडेलसमक्ष पद तथा गोपनियताको शपथ पनि लिएका छन् ।
पूर्वमा नेपाल वायुसेवा निगमको महाप्रबन्धकको जिम्मेवारी सम्हालेका पौडेलसँग राष्ट्रिय तथा बहुराष्ट्रिय संस्थामा दुई दशकभन्दा बढीको प्रवन्धन अनुभव छ ।
वित्तीय क्षेत्रमा नवीन सोच र सशक्त नेतृत्वका लागि चिनिने उनी बैंकको दीर्घकालीन रणनीति र विस्तार योजनामा महत्वपूर्ण भूमिका खेल्ने अपेक्षा गरिएको छ ।
