काठमाडौँ । लक्जरी इलेक्ट्रिक कार कम्पनी टेस्ला इंक र ट्विटरका मालिक एलन मस्कको कुल सम्पत्ति बिहीबार मात्र २०.३ बिलियन डलरले घटेको छ । टेस्ला कम्पनीको शेयरमा आएको ठुलो गिरावटका कारण मस्कको नेटवर्थमा यो गिरावट आएको हो ।
मस्कको कम्पनी टेस्लाले एक चेतावनी जारी गर्दै कम्पनीले विद्युतीय सवारीको मूल्य घटाउन जारी राख्नुपर्ने बताएको छ ।
टेस्लाको यो बयान पछि, जुलाई २० मा, यसको स्टक लगभग १० प्रतिशत अर्थात् २८.३६ अमेरिकी डलरले घट्यो र २६२.९६ अमेरिकी डलरमा बन्द भयो । त्यसैगरी ब्लूमबर्ग बिलियनर्स इन्डेक्सले मस्कको कुल आम्दानीमा अहिलेसम्मको सातौं ठूलो गिरावट देखेको छ । मस्कको नेटवर्थ २०.३ बिलियन डलरले घटेर २३४.४ बिलियन डलर पुगेको छ। तर, मस्क अझै पनि सूचकांकमा पहिलो नम्बरमा नै छन् ।
मस्क र बर्नार्ड अर्नाल्ट बीचको सम्पत्तिको अन्तर कम भएको छ ।
यद्यपि, मस्कको सम्पत्ति अझै पनि विलासी सामान कम्पनी एलभीएमएचका अध्यक्ष अर्नाल्टभन्दा करिब ३३ अर्ब डलर बढी छ ।
ब्लुमबर्गको सबैभन्दा धनी अर्बपतिहरूको सूचीमा मस्क एक मात्र अमेरिकी टेक अर्बपति होइनन् जसको कुल सम्पत्ति घटेको छ । यसमा जेफ बेजोस, ल्यारी एलिसन र मार्क जुकरबर्ग जस्ता धेरै अर्बपतिहरूको नाम पनि समावेश छ ।
अमेजनका जेफ बेजोस, ओरेकलका ल्यारी एलिसन, माइक्रोसफ्टका पूर्व सीईओ स्टिभ बाल्मर, मेटा प्लेटफर्मका मार्क जुकरबर्ग, अल्फाबेटका सह-संस्थापक ल्यारी पेज र सर्गेई ब्रिनले ब्लूमबर्ग बिलियनेयर्स इन्डेक्समा २०.८ बिलियन डलर गुमाएका छन् ।
अस्टिनमा आधारित टेस्लाको शेयर ९.७ प्रतिशत घटेर २६२.९० डलरमा पुगेको छ, जुन अप्रिल २० यताकै सबैभन्दा ठूलो गिरावट हो । कम्पनीले पहिले नै घट्दै गएको नाफामा थप असर पर्ने चेतावनी दिएको छ । त्यसयता यसको स्टक घटेको छ ।
यसले कम्पनीको अटोमोटिभ सकल मार्जिनलाई असर गरेको छ, जुन दोस्रो त्रैमासिकमा चार वर्षको न्यूनमा झरेको छ। कम्पनीका सीईओ मस्कले बुधवार भने कि यदि ब्याज दर बढिरह्यो भने, टेस्लाले मूल्य घटाउनुपर्नेछ ।
५२ वर्षीय मस्कले तीनवटा कम्पनीबाट सबैभन्दा बढी कमाउँछन् । यी मध्ये सबैभन्दा प्रमुख इभी निर्माता टेस्ला हो । यससँगै स्पेस एक्सप्लोरेसन टेक्नोलोजी र ट्विटरमा उनको शेयरले पनि धेरै फाइदा गर्छ । टेस्लाको शेयर गत वर्षमा १३६ प्रतिशत बढेकोले बुधबारसम्म उनको सम्पत्ति यस वर्ष लगभग ११८ बिलियन डलर पुगेको थियो ।
