काठमाडौं । गायक योगेश्वर अमात्यको जग्गाको नक्कली कागजात बनाएर ऋण प्रवाह गरेको कुमारी बैंकमाथि राष्ट्र बैंकले छानविन शुरु गरेको छ ।
केन्द्रीय बैंकले इन्स्पेक्सन टोली नै बनाएर कुमारी बैकको ऋण प्रकरणको छानविन गरिरहेको जनाएको छ ।
राष्ट्र बैंकले कुमारी बैकका कायममुकायम प्रमुख कार्यकारी अधिकृत अनुजमणि तिमिल्सिना र दुईजना सञ्चालकलाई बोलाएर ऋण प्रवाहका बारेमा छलफल गरेको हो ।
राष्ट्र बैंकका सहायक प्रवक्ता नारायणप्रसाद पोखरेलका अनुसार कुमारी बैंकमा भएको ऋण प्रकरणमा छानविनका लागि टोलीले काम गरिरहेको र त्यसले दिने प्रतिवेदनका आधारमा कारबाही प्रक्रिया अघि बढाउने बताएका छन् ।
नक्कली लालपूर्जा राखेर १९ करोड ऋण प्रवाह भएको विषयमा नेपाल प्रहरीको केन्द्रीय अनुसन्धान व्यूरोले छानविन गरिरहेको छ ।
