काठमाडौं । राष्ट्रिय जनमोर्चाका अध्यक्ष तथा सांसद चित्रबहादुर केसीले कालीगण्डकी नदीमा भइरहेको बालुवा र गिट्टीको अवैध उत्खननमा जनप्रतिनिधि र सरकारी कर्मचारीहरूकै संलग्नता रहेको आरोप लगाएका छन्।
आइतबार प्रतिनिधिसभाको शून्य समयमा सम्बोधन गर्दै सांसद केसीले सरकार रमिते बनेर हेरिरहेको भन्दै गम्भीर आपत्ति प्रकट गरे। उनका अनुसार, बागलुङ क्षेत्र नं. १ अन्तर्गत कालीगण्डकीको बालुवा दोहन यति चरम छ कि यसअघि पनि यो विषय संसद्मा उठाइएको थियो। तर, सरकार र सम्बन्धित निकायले कुनै कदम नचालेको भन्दै उनले आक्रोश व्यक्त गरे।
केसीले ूबालुवा र गिट्टीको अनियन्त्रित उत्खनन नरोकिए कालीगण्डकी करिडोरको सडक भासिने जोखिम रहेकोू चेतावनी पनि दिए। सर्वोच्च अदालतले उत्खनन रोक्न आदेश दिए पनि स्थानीय जनप्रतिनिधि र कर्मचारीको मिलेमतोमा लुटपाटजस्तै दोहन जारी रहेको उनको भनाइ छ।
उनले सम्बन्धित मन्त्रालयलाई तत्काल कडाइका साथ रोकथामको पहल गर्न आग्रह गर्दै ूयो लुटपाट बन्द गरियोस्ू भन्ने कडा चेतावनी पनि दिए।
