काठमाडौं । विश्वव्यापी माहामारीको रुपमा करिव डेढ वर्षदेखि फैलिएको कोभिड –१९ का सन्दर्भमा गम्भीरता नदेखाएका प्रधानमन्त्री केपी शर्मा ओलीले नेपालमा यसरी कोभिड बढ्छ भन्ने नसोचेको बताएका छन । कोरोना भइरसलाई सामान्य रुघाखोकीको संज्ञा दिदै आएका प्रधानमन्त्री ओली नेतृत्वको सरकारको लापरवाहीका कारण कोरोना महामारी भयाभह भएको आरोप खेरिरहेका बेला ओलीले उक्त अभिव्यक्ति दिएका हुन ।
बालुवाटारमा भएको छलफलमा प्रधानमन्त्री ओलीले भनेका छन नेपालीहरको इम्युन सिस्टम (प्रतिरोध प्रणाली) धेरै बलियो छ त्यस कारण अलिअ अलि सर्ला, यस तहमा बढ्छ भन्ने मैले ठानेको थिइन ।
प्रधानमन्त्री ओलीले कोरोनाभाइरस महामारी फैलिएका बेला शरीरको रोग प्रतिरोधी क्षमता सुदृढ बनाउन बेसार पानी खान र अम्बाको पात उमालेर पानी खाने सुझाव बारम्बार दिने गरेका थिए ।
