काठमाडौं । नेपाली कांग्रेस सभापति शेरबहादुर देउवासहित उनको परिवारका सबै सदस्यमा कोरोना संक्रमण नभएको पुष्टि भएको छ । घरमा काम गर्ने एकजना सहयोगीमा कोरोना पोजिटिभ देखिएपछि देउवाको परिवार कन्ट्याक्ट ट्रेसिङमा परेको थियो ।
बिहीबार स्वाब संकलन गरी पीसिआर परीक्षण गर्दा आज शुक्रबार बिहान सभापति देउवा, देउवा पत्नी डा. आरजु र छोरासहित परिवारका सबै सदस्यको पीसीआर रिपोर्ट नेगेटिभ आएको उनको निजी सचिवालयले जनाएको छ।
दुईजना सहयोगीलाई ज्वरो देखिएपछि केही दिन अगाडि पीसीआर परीक्षण गर्दा एक जनामा पोजिटिभ देखिएको थियो । परिवारका सबै सदस्य स्वास्थ्य मापदण्ड अपनाएर होम आइसोलेसनमा बसेका थिए।
