काठमाडौँ। प्रतिनिधिसभाको आजको बैठकमा सांसदहरूले समसामयिक विषय उठाउँदै सरकारको ध्यानाकर्षण गराएका छन् ।
बैठकको आकस्मिक समयमा बोल्दै निश्कल राई ले सरकारले प्रस्तुत गरेको नीति तथा कार्यक्रममाथिको छलफलमा प्रधानमन्त्री बालेन्द्र शाह अनुपस्थित रहेको भन्दै सभामुखमार्फत तत्काल सदनमा उपस्थित गराउन आग्रह गर्नुभयो । उहाँले “रुलिङ गरेर भए पनि प्रधानमन्त्रीलाई बोलाउनुपर्छ” भन्दै संसद्को गरिमासँग जोडिएको विषय भएको उल्लेख गर्नुभयो ।
त्यसैगरी, इन्दिरा रानामगर ले झापामा हात्तीको आक्रमणबाट घाइते भएका दिनेश पराजुलीको उपचारका लागि सरकारले सहयोग गर्नुपर्ने माग गर्नुभयो ।
यस्तै, सागर भुसाल ले अर्घाखाँचीमा भएको सवारी दुर्घटनाप्रति सरकारको ध्यानाकर्षण गराउँदै सडक सुरक्षा, सवारी साधनको अनुगमन तथा व्यवस्थापन र सडक मर्मतसम्भारलाई प्रभावकारी बनाउन आग्रह गर्नुभयो ।
