काठमाडौँ। नेपाली कांग्रेस केन्द्रीय कार्यसमितिको बैठक कार्यवाहक सभापति पूर्णबहादुर खड्काको सभापतित्वमा आज पार्टी केन्द्रीय कार्यालय बी.पी. स्मृति भवन, बी.पी. नगर, ललितपुरमा बसेको छ ।
बैठकको प्रारम्भमा कार्यवाहक सभापति खड्काले पछिल्लो राजनीतिक अवस्थाबारे जानकारी गराएका थिए भने महामन्त्री गगनकुमार थापाले विभिन्न प्रस्तावहरू प्रस्तुत गरेका थिए ।
बैठकमा धारणा राख्ने क्रममा केन्द्रीय सदस्यहरू डा. शेखर कोइराला, मोहनबहादुर बस्नेत, देवेन्द्रराज कण्डेल, शिवप्रसाद हुमागाँइ, राजीव कोइराला, गुरू बराल र नृपबहादुर वडले आफ्ना विचार प्रस्तुत गरेका थिए ।
धारणा राख्ने क्रम जारी रहेको बैठक पुनः भोलि असोज ३१ गते बिहान ११ बजे पार्टी केन्द्रीय कार्यालयमै बस्नेछ ।
