काठमाडौँ । राष्ट्रिय स्वतन्त्र पार्टी (रास्वपा) सभापति एवं पूर्वगृहमन्त्री रवि लामिछानेको मुद्दामा भएको आदेशमा त्रुटि सच्याइएको छ ।
शुक्रबार सर्वोच्च अदालतका न्यायाधीशद्वय बालकृष्ण ढकाल र नहकुल सुवेदीको इजलासले गरेको आदेश सच्याइएको हो ।
आज आइतबार उनीहरूकै इजलासमा पेसी तोकिएको थियो । लामिछानेलाई पुर्पक्षमा जेल चलान गर्ने उच्च अदालतको आदेशलाई सर्वोच्चले शुक्रबार सदर गरेको थियो ।
जसअनुरुप लिखित आदेश सार्वजनिक हुँदा ‘आदेश’ हुनुपर्नेमा ‘फैसला’ लेखिएपछि सच्याउनका लागि आइतबार पेशी तोकिएको हो ।
