काठमाडौँ । राष्ट्रिय प्रजातन्त्र पार्टी (राप्रपा)ले जेठ १५ गते हुने आन्दोलन पूर्णरूपले शान्तिपूर्ण हुने बताएको छ ।
पार्टीका अध्यक्ष राजेन्द्र लिङ्देनसहितको टोलि शुक्रबार मानवअधिकार आयोग पुगेको छ ।
आयोगमा पुगेर ध्यानाकर्षण गराउँदै राप्रपाले आन्दोलन शान्तिपूर्ण हुने तर सरकारको तर्फबाट हुन सक्ने दमन र हिंसाको सम्बन्धमा आयोगको ध्यानाकर्षण गराएको हो ।
‘आज हामी मानवअधिकार आयोग गयौँ र जेष्ठ १५ गते हुने आन्दोलन हाम्रो तर्फबाट पूर्णरूपले शान्तिपूर्ण हुने तर सरकारको तर्फबाट हुन सक्ने दमन र हिंसाको सम्बन्धमा आयोगको ध्यानाकर्षण गराएका छौँ ।’ अध्यक्ष लिङ्देनले भने ।
अध्यक्ष लिङ्देनले मंगलबार एक कार्यक्रमलाई सम्बोधन गर्दै राजसंस्था र हिन्दु राष्ट्र पुनर्स्थापनाका लागि गणतन्त्र दिवसको दिनदेखि सुरु गर्ने आन्दोलन निर्णायक हुने बताएका थिए ।
