काठमाडौँ । नेपाली बलर करण केसी हङकङविरुद्धको खेलमा प्लेयर अफ द म्याच बनेका छन् ।
त्रिकोणात्मक टी-२० सिरिज अन्तर्गत नेपाललाई दोस्रो खेलमा जित दिलाउनेक्रममा करणले ४ विकेट लिएका थिए । करणले ४ ओभर बलिङ गर्दै १५ रन दिएर हङकङका प्रमुख ब्याट्सम्यान कप्तान निजकत खान, बाबर हायात, अनशुमन राठ र हारून अर्षदलाई आउट गरेका थिए ।
करणले यसअघि बुधबार सम्पन्न युएईविरुद्धको खेलमा ३ विकेट लिएका थिए ।
योसँगै करणको टी-२० अन्तर्राष्ट्रिय खेलमा विकेट संख्या ६९ पुगेको छ ।
