काठमाडौँ । दक्षिण अमेरिकी क्षेत्रको विश्वकप छनौट खेलमा ब्राजिल पराजित भएको छ । बुधबार विहान सम्पन्न खेलमा उरुग्वेले ब्राजिललाई २-० गोल अन्तरले पराजित गरेको हो ।
उरुग्वेको जितमा डर्विन नुनेज र निकोलस डे ला क्रुजले एक एक गोल गरेका थिए ।
यस खेलको पहिलो हाफमा नै ब्राजिलका नेइमार घाइते भएपछि मैदान छोडेका थिए । नेइमारको देब्रे घुँडामा चोट लागेको र उनलाई स्ट्रेचरमा मैदान बाहिर ल्याइएको थियो । उनी हालै लामो इन्जुरीपछि मैदान फर्किएका थिए ।
यो विश्वकप छनौटमा ब्राजिलको पहिलो हार हो । यो हारपछि ब्राजिलको ४ खेलमा ७ अंक रहेको छ र अंकतालिकामा तेस्रो स्थानमा रहेको छ । त्यस्तै यो महत्वपूर्ण जितपछि उरुग्वेको ४ खेलमा ७ अंक नै छ र अंकतालिकामा दोस्रो स्थानमा छ ।
