काठमाडौँ । जारी आइसीसी क्रिकेट विश्वकपमा आज अस्ट्रेलिया र दक्षिण अफ्रिकाबीच भिडन्त हुदैछ । भारतको लखनउस्थित अटलबिहारी बाजपेयी एकाना क्रिकेट स्टेडियममा हुने यस खेलमा अस्ट्रेलियाले टस जितेर पहिला बलिङ गर्ने निर्णय गरेको छ । योसँगै दक्षिण अफ्रीकाले पहिला ब्याटिंग गर्ने भएको हो ।
जारी विश्वकपमा दुवै देशले यो दोस्रो खेल खेल्दैछन् । दक्षिण अफ्रिकाले आफ्नो पहिलो खेलमा श्रीलंकालाई पराजित गर्दै विजयी शुरुवात गरेको थियो भने अस्ट्रेलिया आफ्नो पहिलो खेलमा भारतसँग हार बेहोरेको थियो ।
अस्ट्रेलिया र दक्षिण अफ्रिकाबीच अहिलेसम्म १०८ एकदिवसीय अन्तराष्ट्रिय खेल भएका छन् । जसमा दक्षिण अफ्रिकाले ५४ जित हासिल गरेको छ भने अस्ट्रेलियाले ५० खेलमा जित हासिल गरेको छ । त्यसैगरी एक खेलको कुनै नतिजा आएको थिएन भने ३ खेल बराबरीमा रोकिएका छन् ।
त्यसैगरी पछिल्ला पाँच खेलमा दक्षिण अफ्रिकाले पछिल्ला तीन खेलमा अस्ट्रेलियालाई पराजित गरेको छ, जसको मनोवैज्ञानिक फाइदा यस खेलमा उसलाई हुने देखिन्छ ।
अष्ट्रेलियाको प्लेइङ ११ : डेभिड वार्नर, मिचेल मार्स, स्टिभन स्मिथ, मार्नस लाबुस्चेन, क्यामरुन ग्रीन, जोश इंग्लिस (विकेटकिपर), ग्लेन म्याक्सवेल, मिचेल स्टार्क, प्याट कमिन्स (कप्तान), जोश हेजलवुड र एडम जाम्पा ।
दक्षिण अफ्रिकाको प्लेइङ ११ : टेम्बा बाभुमा (कप्तान), क्विन्टन डी कक (विकेटकीपर), हेनरिक क्लासेन, एडेन मार्कराम, डेभिड मिलर, लुंगी एनगिडी, कागिसो रबाडा, केशब महाराज, कागिसो रबाडा, रस्से भान डेर दुसेन र मार्को जानसेन ।
