काठमाडौँ । साउदी प्रो लिग अन्तर्गत अल इत्तिहादले अल अख्दोउदलाई पराजित गरेको छ ।
विहिबार राति सम्पन्न खेलमा अल इत्तिहादले अल अख्दोउदलाई १-० गोल अन्तरले पराजित गरेको हो ।
अल इत्तिहादको जितमा करिम बेन्जमाले खेलको एक मात्र गोल गरेका थिए । बेन्जमाले खेलको ७२औं मिनेटमा गरेको गोल नै खेलको निर्णायक गोल बनेको थियो । बेन्जमाको साउदी प्रो लिगमा ६ खेलमा यो तेस्रो गोल हो ।
यस सिजनमा अल इत्तिहादको यो पाँचौं जित हो । यो जितपछि अल इत्तिहाद ६ खेलमा १५ अंकसहित लिगमा शिर्ष स्थानमा रहेको छ ।
त्यसैगरी अल अख्दोउदको भने यस सिजनमा यो चौथो हार हो । यस खेलपछि अख्दोउदको ६ खेलमा ४ अंक भएको छ र लिगमा १३औं स्थानमा रहेको छ ।
