सिड्नी। अस्ट्रेलियाको पूर्वी तटमा दुर्लभ प्रजातिको साउदर्न राइट ह्वेलका माउ र बच्चा फेला परेका छन्।
न्यु साउथ वेल्स (एनएसडब्ल्यु) वातावरण र सम्पदा समूहले आइतवार दिएको जानकारीअनुसार यो बच्चा जुलाई २५ मा जन्मिएको हो। एनएसडब्ल्यु राष्ट्रिय निकुञ्ज र वन्यजन्तु सेवा (एनपीडब्लुएस) ले जुलाई २७ तारिखदेखि माउ र बच्चाको जोडीलाई ट्रयाक गर्दै आएको छ।
साथै उनीहरूले ह्वेलको संरक्षण गर्न र उनीहरूलाई असर पुग्ने काम नगर्न आह्वानसमेत गरेको छ।
साउदर्न राइट ह्वेल लोपोन्मुख प्रजाति हो। यो प्रजातिका यो वर्ष २ वटा मात्रै बच्चा फेला परेका छन्। दक्षिणपूर्वी अस्ट्रेलियामा यसको संख्या २७० भन्दा कम छ।
एनपीडब्ल्युएसले सबै वाटरक्राफ्टहरू, जहाजहरूलाई ती ह्वेलहरूभन्दा कम्तिमा ३ सय मिटर टाढाबाट मात्रै यात्रा गर्न र ड्रोनहरूलाई सय मिटरभित्र सबै ठाउँमा निगरानी गर्न निर्देशन गरेको छ।
