काठमाडौं । अष्ट्रेलियाले इतिहासमै पहिलो पटक केन्द्रीय बैंकको गभर्नरमा महिलालाई नियुक्त गरेको छ । त्यहाँको अर्थमन्त्रालयले हाल रिजर्भ बैंक अफ अष्ट्रेलियामा डेपुटी गभर्नर रहेकी मिसेल बुलकलाई बैंक सम्हाल्ने जिम्मा दिएको हो ।
बुलक आरबीएकी नवौं गभर्नर हुन् । बैंकको ६३ वर्षे इतिहासमा बुलक गभर्नर नियुक्त हुने पहिलो महिला हुन् । सेप्टेम्बर १७ मा फिलिप लोवेले सात वर्षे कार्यकाल पूरा गरेका थिए । बुलक लोबेको ठाउँमा आएकी हुन् ।
बुलकले सन् १९८५ मा पहिलो पटक विश्लेषकको रुपमा आरबीएमा आएकी थिइन् । उनी सन् २०२२ को अप्रिलयता डेपुटी गभर्नर थिइन् । एजेन्सी
