काठमाडौँ । एसीसी प्रिमियर कप अन्तर्गत तेस्रो स्थानको लागि जारी खेलमा कुवेत १३० रनमा अल आउट भएको छ ।
टियु क्रिकेट मैदानमा टस हारेर पहिला ब्याटिंग गरेको कुवेतले ३१.३ ओभरमा अल आउट हुदै १३० रन बनाएको छ ।
कुवेतका लागि अदनान इद्रिसले सर्बाधिक ३४ रन बनाए भने साएद मोनिबले २८, यासिन पटेलले १७ तथा रभिजा सन्दरुवान र कप्तान मोहमद अस्लामले १२-१२ रन बनाएका थिए ।
कुवेतका अन्य ब्याट्सम्यानले दोहोरो अंकमा रन बनाउन सकेनन ।
त्यस्तै ओमानका बलर जय ओडेड्राले सर्बाधिक ५ विकेट लिए भने बिलाल खानले २ तथा आयान खान, जीशम मक्सूद तथा जतिन्दर सिंहले एक एक विकेट लिए ।
अब ओमानले तेस्रो स्थान हासिल गर्नका लागि १३१ रन बनाउनुपर्ने भएको छ ।
यस खेलको विजेता इमर्जिंग टिम्स एशिया कपका लागि छनौट हुने छ । यसअघि फाइनलमा पुगेका नेपाल र युएई इमर्जिंग टिम्स एशिया कपका लागि छनौट भइसकेका छन् । खेल टियु क्रिकेट मैदानमा हुने छ ।
