काठमाडौं । नेपाल एसीसी प्रिमियर कपको सेमिफाइनलमा कुवेतसँग खेल्ने भएको छ ।
समुह बी को समुह चरणको अन्तिम खेलमा कुवेतले हङकङलाई ३० रनले पराजित गर्दै सेमिफाइनलमा पुगेसँगै नेपालले आफ्नो सेमिफाइनलको प्रतिद्वन्दी पाएको हो ।
कुवेतले हङकङलाई ३० रनले पराजित गरेको थियो । कुवेतले दिएको २७३ रनको लक्ष्य पछाएको हङकनङ ५० ओभरमा अल आउट हुदै २४२ रन मात्र बनाएपछि खेल ३० रनले हारेको थियो ।
यसअघि टस हारेर पहिला ब्याटिंग गरेको कुवेतले ५० ओभरमा ८ विकेट गुमाउदै २७२ रन बनाएको थियो ।
यो हारपछि ४ खेलमा ५ अंकसहित हङकङ तेस्रो हुदै बाहिरिएको छ ।
त्यस्तै यो जितपछि कुवेतको समुह बि मा ४ खेलमा ६ अंक भएको छ र रनरेटको आधारमा दोस्रो हुदै सेमिफाइनलमा पुगेको छ र सेमिफाइनलमा समुह ए को विजेता नेपालसँग खेल्ने छ । त्यस्तै समुह बि बाट युएई समुह विजेता बन्दै सेमिफाइनलमा पुगेको छ र सेमिफाइनलमा समुह ए को उपविजेता ओमानसँग खेल्ने छ ।
अब सेमिफाइनलका दुवै खेल आगामी शनिबार हुने छन् ।
