काठमाडौं । काठमाडौंसहित देशभर भारी वर्षा भइरहेको जल तथा मौसम पूर्वानुमान महाशाखाले जनाएको छ ।
महाशाखाका अनुसार प्रदेश नम्बर १, मधेस प्रदेश, बागमती, गण्डकी र लुम्बिनी प्रदेशका केही स्थानमा भारी वर्षा भइरहेको छ ।
सुदूरपश्चिम प्रदेश र कर्णाली प्रदेशको केही स्थानमा भने भारी वर्षाको सम्भावना रहेको जनाइएको छ । नदी, नाला तथा खहरे खोलाहरूमा पानीको सतह बढ्न सक्ने भएकोले आवश्यक सतर्कता अपनाउन महाशाखाले अनुरोध गरेको छ।
मौसमविद् उज्ज्वल उपाध्यायका अनुसार वर्षा मध्यरातसम्म हुनेछ । बुधबार बिहानदेखि भने फेरी मौसम सफा हुने उनले जानकारी दिएका छन् ।
