काठमाडौं । नेकपा एकिकृत समाजवादीले चुनाव चिन्ह कलम राख्ने भएको छ ।
आज बसेको स्थायी कमिटीको बैठकले चुनाव चिह्न कलम राख्ने निर्णय गरेको प्रचार विभाग प्रमुख जगन्नाथ खतिवडाले जानकारी दिए ।
खतिवडाले दिएको जानकारीअनुसार एकिकृत समाजवादीले चार पदाधिकारी मनोनयन गरेको छ । प्रचार विभाग प्रमुख जगन्नाथ खतिवडालाई उपमहासचिव तथा गरिमा साह, जीवनराम श्रेष्ठ र भागवत विश्वासीलाई सचिवमा मनोनित गर्ने निर्णय गरेको उनले जानकारी दिए ।
बैठकले महासचिव बेदुराम भुसालको संयोजकत्वमा ११ सदस्यीय केन्द्रीय सचिवालय समेत गठन गरेको छ । जुन सचिवालयको बैठक शुक्रबार बस्नेछ ।
