नुवाकोट । नेपाली कांग्रेसको बोलकोटगढी नगरकमिटीको सभापतिमा लेखनाथ मुडभरीको प्यानल नै विजयी भएको छ । दुई वटा प्यानलसहित मैदानमा निस्किएका कांग्रेसको स्थानीय नेतृत्वमा सबै अर्जुननरसिंह केसी र जगदिश्वरनरसिंह केसी निकटको प्यानलका कार्यकर्ता विजयी भएका छन ।
केसीको समर्थनमा मुडभरीले प्यानल बनाएका थिए भने कांग्रेस सहमहामन्त्री डा प्रकाशरण महतको समर्थनमा कृष्णप्रसाद पाण्डेले प्यानल बनाएका थिए । नगरको केन्द्र बाघखोरमा स्थानीय नेतृत्व चयनका लागि भएको मतदानमा सबै मुडभरी नेतृत्वको प्यानलका सदस्यले जित हात परेका छन ।
उपसभापतिमा दुर्गाप्रसाद पुडासैनी र दुर्लभबहादुर तामाङ विजयी भएका छन । उनीहरूले महत समूहको समर्थन रहेका प्रेमबहादुर अधिकारी र सानुकान्छा तामाङलाई पराजित गरे ।
सचिवमा प्रेसप्रसाद लामिछाने र हर्कबहादुर तामाङ विजयी भएका छन । यउनीहरू पनि केसी निकटका नेता हुन । उनीहरूले महत निकटका रामचन्द्र लामा र सागर न्याैपानेलाई पराजित गरे ।
त्यस्तै सहसचिवमा अर्जुनप्रसाद दाहाल र राजुमान लामा विजयी भएका छन । उनीहरू पनि केसी निकटकै हुन । उनीहरूले महत निकटका रविन दाहाल र कान्छा तामाङलाई पराजित गरे ।
