काठमाडौं । जिल्ला प्रशासन कार्यालयले कोभिड–१९ संकट व्यवस्थापन अध्यादेश, २०७८ कडाइका साथ लागू गर्ने निर्णय गरेको छ । मंगलबारदेखि निषेधाज्ञा उल्लंघन गर्ने व्यक्ति र सवारीसाधनलाई कारबाही गरिने भएको हो ।
निषेधाज्ञा उल्लंघन गर्दा एक वर्ष कैद, पाँच लाख रुपैयाँसम्म जरिवाना वा दुवै सजाय हुनसक्ने नयाँ कानुनी प्रावधान छ । काठमाडौँका प्रमुख जिल्ला अधिकारी कालीप्रसाद पराजुलीले कोभिड–१९ नियन्त्रणका लागि जारी निषेधाज्ञा पालना नभएमा नगद जरिवाना तथा कैद सजाय दुवै हुन सक्ने बताए ।
मंगलबार दिउँसो बस्ने उपत्यकाका तीन जिल्लाका सीडीओहरुको संयुक्त बैठकले निषेधाज्ञाबारे थप निर्णय गर्ने भएको छ । कोरोना संक्रमण रोकथामका लागि उपत्याकामा गत वैशाख १६ देखि निषेधाज्ञा जारी छ।
