काठमाडौं । भा्रतमा कोरोनाको दोस्रो लहर तीव्र रूपमा फैलिएको छ । केही दिनअघिसम्म ह्वात्तै घटेको कोरोना अहिले डढेलो जसरी फैलिएको छ ।
पछिल्लो २४ घण्टामा भारतमा ६२ हजार ६ सय ३१ जनामा संक्रमण पुष्टि भएको त्यहाँका अधिकारीहरुले जनाएका छन्।
पछिल्लो वृद्धिसँगै संक्रमितको कुल संख्या १ करोड १९ लाख ७१ हजार ४ पुगेको बताइएको छ। हालसम्म भारतमा १ करोड १३ लाख २१ हजार ५ सय ७८ जना सङ्क्रमणमुक्त भएको बताइएइको छ।
भारतमा सक्रिय संक्रमितको संख्या ४ लाख ८७ हजार ८ सय ४० छ। सङ्क्रमणबाट मृत्यु हुनेको संख्या १ लाख ६१ हजार ५ सय ८६ पुगेको छ । पछिल्लो २४ घण्टामा भारतमा थप ३ सय ११ जनाको मृत्यु भएको छ।
भारतमा कोरोना भाइरसका दुई प्रकार देखिएको छ । कोरोनाविरुद्धको खोप लगाउने पनि यी भाइरसबाट सुरक्षित नभएको बताइन्छ ।
