काठमाडौँ । ईङलिश प्रिमियर लिग अन्तर्गत लिभरपुलले लिड्स युनाइटेडलाई फराकिलो अन्तरले पराजित गरेको छ ।
गएराती सम्पन्न खेलमा लिभरपुलले लिड्सलाई ६-१ गोल अन्तरले पराजित गरेको हो ।
लिभरपुलको जितमा मोहमद सलाह र डिओगो जोटाले २-२ गोल गरेका थिए भने कोडी गाक्पो र डर्विन नुनेजले एक एक गोल गरेका थिए ।
त्यसैगरी लिड्सका लागि एक गोल लुइस सिनिसटेराले फर्काएका थिए ।
यो जितपछि लिभरपुलको ३० खेलमा ४७ अंक भएको छ र लिगमा आठौँ स्थानमा उक्लिएको छ ।
त्यसैगरी लिड्स युनाइटेडको भने ३१ खेलमा २९ अंक छ र लिगमा १६औं स्थानमा रहेको छ ।
