काभ्रे । रोशी खोलामा आएको बाढीका कारण फसेका यात्रुको सशस्त्र प्रहरी, नेपाली सेना र नेपाल प्रहरीको संयुक्त सुरक्षाफौजले सकुशल उद्धार गरेको छ ।
सोमबार साँझ पाँच वटा इभी हाईस खोलामा फसेको जानकारी पाउनासाथ सशस्त्र प्रहरी बल नेपाल नम्बर १५ गण काभ्रे र मनसुन प्रतिकार्य बेस भकुण्डेबाट सशस्त्र प्रहरीको टोली तत्कालै उद्धारकार्यको लागि खटिएको थियो ।
उक्त टोलीले रोप रेस्क्युबाट उद्धार गर्न सम्भव नभएपछि नम्बर १६ गण सिन्धुपाल्चोक र अस्थायी मनसुन प्रतिकार्य बेस पनौतीबाट विपद् व्यवस्थापन तालिम प्राप्त थप टोलीले गएको थियो ।
र्याफ्ट बोर्डको सहायताले रिभर क्रसिङ विधिद्वारा ६ जना बालबालिकासहित ३५ महिला र ४८ जना पुरुष गरी ८९ जनाको मध्यरातमा सकुशल उद्धार गरेको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए । सवारी साधनहरु भने अझै घटनास्थलमा नै रहेको बताइएको छ ।
