काठमाडौं। आन्दोलनरत उखु किसानका मागलाई सम्बोधन गर्नुपर्ने आवाज दिन प्रतिदिन चर्किँदै गएको छ। नेपाली कांग्रेसका नेता डा.शेखर कोइरालादेखि अखिल नेपाल किसान महासंघसम्मले किसानको जायज माग तत्काल पूरा गर्न सरकारलाई दबाब दिएका छन्।
डा। कोइरालाले सोमबार किसानले उखुको बोटसहित सडकमा आउनु अत्यन्त दुःखद भएको उल्लेख गर्दै, कृषिलाई प्राथमिकतामा राख्ने सरकारको दाबी व्यवहारमै लागू नभएको टिप्पणी गरे। उनले भने, “खेती गर्नुपर्ने समयमा मल नपाउने, उत्पादन बेकार फाल्नुपर्ने, उखुको भुक्तानी वर्षौंसम्म रोकिने—यस्तो अवस्थामा आत्मनिर्भरता कसरी सम्भव हुन्छरु” भन्दै सरकारको नीतिप्रति प्रश्न उठाए।
यस्तै, अखिल नेपाल किसान महासंघले पनि किसानको आन्दोलनप्रति एक्यवद्धता जनाउँदै तत्कालीन भुक्तानी र न्यूनतम समर्थन मूल्य तोक्न माग गरेको छ। महासंघका अध्यक्ष डा. प्रेम दंगालले जारी गरेको विज्ञप्तिमा सरकार निरन्तर अव्यावहारिक निर्णय गर्दै आएको आरोप लगाउँदै चेतावनी दिइएको छ कि—यदि जायज मागलाई बेवास्ता गरियो भने त्यसबाट उत्पन्न गम्भीर परिणामको जिम्मा सरकारले लिनुपर्नेछ।
उखु किसानले गत वर्षको अनुदान रकम भुक्तानी, न्यूनतम समर्थन मूल्य तोक्नुपर्ने लगायत माग राख्दै ८ भदौदेखि काठमाडौंको माइतीघरमा धर्ना दिइरहेका छन्।
